ဤသို့အလုပ်လုပ်ကြသည်

ဤသို့အလုပ်လုပ်ကြသည်

နှစ်(၅၀) ကျော်အတွင်း မြန်မာနိုင်ငံသည်အကျပ်အတည်းကာလကို စတင်ကျော်လွန်လာခဲ့ပြီဖြစ်သည်။ နိုင်ငံခြားရင်းနှီးမြှုပ်နှံမှုများကလည်း သူ့ထက်ငါအလျင်ဖြင့် အပြေးအလွှား စိုင်းပြင်းနေကြပြီဖြစ်သည်။ ဈေးကွက် စီးပွားရေးတွင် အင်္ဂါမပြည့်စုံသော ဖြစ်စဉ်အတွင်း ရေလိုက်ငါးလိုက်ဖြင့်သာအလုပ်လုပ်ခဲ့ကြသူများ၊ အမှန်တ ကယ်ဈေးကွက်စီးပွားရေးတွင် မည်မျှပညာကိုတန်ဖိုးထားကြသည်။ မည်မျှအရည်အသွေးတို့ကို ဖြည့်ဆည်းရ ခြင်းအပေါ် မကြာမီနဖူးတွေ့၊ ဒူးတွေ့တွေ့ကြရတော့မည်ဖြစ်သည်။ အခွင့်အလမ်းအခြေပြုစီးပွားရေးနှင့် ယှဉ်ပြိုင်မှုကို အဓိကထားရသော လွတ်လပ်ဈေးကွက်တို့၏ အကွာအခြားကိုလည်း ကောင်းစွာလက်ဆွဲ နှုတ် ဆက်ခွင့်ကြုံရတော့မည်ဖြစ်သည်။

မေးစရာမေးခွန်းမှာမည်သို့အလုပ်လုပ်ကြမည်နည်းဟူသောမေးခွန်း ဖြစ်၏။

အလုပ်အကိုင်ရှာဖွေပေးသော အေဂျင်စီများ ပေါ်ထွက်လာမည်ဖြစ်ပြီး၊ အလုပ်လုပ်ချင်သူများကို သင့် လျော်ရာ လုပ်ငန်းများနှင့်ချိတ်ဆက်ပေးပါလိမ့်မည်။ သင့်လျော်ရာလုပ်ငန်းများနှင့်ချိတ်ဆက်ပြီး လူတွေ့စစ်မေး သောအခါမှ “အင်း” “အဲ” ဖြင့်နောက်ကြောင်းပြန်ခဲ့ကြပါလျှင်...တန်ဖိုးရှိသောအချိန်များစွာ ဆုံးရှုံးရပါလိမ့်မည်။ ကျွမ်းကျင်ရာကိုကျွမ်းကျင်ပါ

လူငယ်ဘ၀တွင် မိမိတို့၏ ကျွမ်းကျင်ရာ(Professional) က အမှန်တကယ်ကျွမ်းကျင်ရာ (Skillful) ဖြစ် ရန် လိုအပ်ပါသည်။ Computer အလုပ်ဖြင့်လျှောက်ထားပြီး “ပြန်၍လေ့ကျင့်ရပါဦးမည်” ဟုဆိုလျှင် အလုပ်ရှင်မှ စိတ်ဝင်စားတော့မည် မဟုတ်ပါ။ အသိအမှတ်ပြုလက်မှတ် (Certificates) များ များစွာစုဆောင်းထားရန်မလိုပါ။ အချို့ကျောင်းများ၊ သင်တန်းများကိုတက်ရင်း များစွာသောအချိန်တို့ကို ကုန်လွန်စေခဲ့ကြသည်။ “ငါးသိုင်းများ ဟင်းဟုန်” ၍ နောက်ဆုံးဘာကိုမှ မယ်မယ်ရရမတတ်ကျွမ်းခဲ့ကြတော့၊ ကိုယ်အထူးပြုရာ၊ ကျွမ်းကျင်ရာ ဘာသာရပ်ကို အသေအချာ ရေပက်မ၀င် လေ့ကျင့်ထားသင့်ပါသည်။ အလုပ်ပေးသူ၊ ကုမ္ပဏီများမှ အလုပ် လျှောက်ထားသူကို အချိန်များစွာပေးပြီး စောင့်နေနိုင်မည် မဟုတ်ပါ။ နည်းပညာဆိုင်ရာ အထူးပြုသူများအနေ ဖြင့်လည်း ခေတ်ပေါ်နည်းပညာများကို အဆက်မပြတ်စေသင့်ပါ၊ အမြဲတမ်းခေတ်နှင့်အညီ ရင်ဘောင်တန်းစေ ရန် ကြိုးစားနေပါလိမ့်မည်။ လုပ်ငန်းအတွေ့အကြုံအရ အထွေထွေမန်နေဂျာ (General Manager) ရာထူးကို လျှောက်ထားလာသူ အသက်(၅၀)ကျော်တစ်ဦးသည် ကိုယ်ပိုင် Email မရှိသေးသည်ကို တွေ့ရပါသည်။Gmail Account ကို Google မှ အချိန်မရွေး ဖန်တီးယူ၍ရသော်လည်း ကိုယ်ပိုင် Account မထားရှိနိုင်သေးသူတစ်ဦး၏ အရည်အချင်းကို ကုမ္ပဏီမှ မည်သို့ရှုမြင်ပါမည်နည်း။ Facebook မထားသည်ကို အပြစ်ဆိုဖွယ်မရှိသော်လည်း၊ Gmail မရှိသည့်အတွက် အထင်ကြီးမှုခံရမည် မဟုတ်သည်က သေချာလှပါသည်။

ဘာသာစကား

ပြင်သစ်၊ တရုတ်စသော ဘာသာစကားများ တစ်ခါတစ်ရံရေပန်းစားလာသော်လည်း ရုံးသုံးအနေဖြင့် အင်္ဂလိပ်စကားပြော၊ အရေးမှာ အစားထိုး၍မရသော ဘာသာစကားဖြစ်၍ အနည်းဆုံး ပြောနိုင်၊ ဆိုနိုင်၊ ရေးနိုင်၊ ဖတ်နိုင်ရန် အခြေခံအားဖြင့် လိုအပ်မည်ဖြစ်သည်။ ယနေ့တရုတ်လူငယ်များသည် အင်္ဂလိပ်စကားကို အမေရိ ကန်လေသံဖြင့် ကျွမ်းကျင်စွာပြောနိုင်ဆိုနိုင်ကြနေပြီဖြစ်သည်။ စင်ကာပူသည် ပင်စင်းက လိပ်လိုမပြောရန်၊ အင်္ဂလိပ်လိုသာပြောကြရန် ၀န်ကြီးချုပ်မှ တိုက်တွန်းခဲ့သည်ကို လေ့လာလျှင် အင်္ဂလိပ်စကားသည် မည်မျှဆက် လက်အရေးပါဦးမည်ကို ခန့်မှန်းနိုင်ကြရမည်ဖြစ်သည်။

အနောက်နိုင်ငံမှ ရင်းနှီးမြှုပ်နှံမှုအများအပြား ၀င်ရောက်လာမည်ဖြစ်သဖြင့် ကမ္ဘာသုံး အင်္ဂလိပ်စကားကို သာ အသုံးပြုကြပါလိမ့်မည်။ ၎င်းတို့အချင်းချင်း လူမျိုးအလိုက်ဘာသာစကားဖြင့် ပြောကြမည်ဖြစ်သော်လည်း မြန်မာနိုင်ငံသားများကိုမူ အင်္ဂလိပ်လိုသာပြောဆိုကြပါလိမ့်မည်၊ ဘာသာစကားကို မကျွမ်းကျင်လျှင် လက်တွေ့ လုပ်ကိုင်မပြသေးမီ၊ မိမိ၏ အရည်အချင်းကို ယုံကြည်မှုရှိစွာ ဘာသာစကားဖြင့်ဦးစွာ ရှင်းလင်းပြရတတ်ပါသည်။ ဘာသာစကား အားနည်းခဲ့ပါလျှင်မိမိပြောလိုသည်ကိုမပြောနိုင်၊ မရှင်းပြနိုင်သည်ဖြစ်၍ မိမိအရည်အချင်းကို တစ်ဖက်အား သိခွင့် ဆုံးရှုံးလိမ့်မည် ဖြစ်ပါသည်။ ၀န်ထမ်းဘ၀မှ အငြိမ်းစားယူပြီး စီးပွားရေးလုပ်ငန်းထဲ စ၀င်ခဲ့ သော လွန်ခဲ့သည့်နှစ် (၂၀) ကျော်ကာလတွင်မိမိကိုယ်တိုင်ဘာသာစကား အားနည်းခဲ့ဖူးပါသည်။ အတွေ့အကြုံ အားနည်းချက်ဖြင့် ပေါင်းလိုက်သောအခါ အလုပ်များလက်လွတ်ခဲ့ရသည့်ရလဒ်ကိုသာရလိုက်ခဲ့ရပါသည်။

မြင့်မြင့်မှန်းလျှင်များများကြိုးစားပါ

အချို့ကရောင့်ရဲကြ၏။ အချို့ကရည်ရွယ်ချက် ကြီးမားကြသည်။ ယခုကာလသည် ရည်ရွယ်ချက်တို့ကို အကောင်အထည်ဖော်ခွင့်ရှိသော ကာလဖြစ်၍ရည်ရွယ်ချက်ရှိကြသူများ ပို၍ကြိုးစားသင့်သောအချိန်ဟု ယူဆပါသည်။ အစိုးရလုပ်ငန်းများ၌ ယေဘုယျအားဖြင့် လုပ်သက်ဖြင့်ရာထူးတိုးကိုစဉ်းစားကြသော်လည်း၊ ပုဂ္ဂလိကလုပ်ငန်းများတွင် လုပ်နိုင်၊ ကိုင်နိုင်ရှိမှုဟူသည့် အရည်အချင်းအပေါ်သာ အဓိကထားကြပါသည်။ မိမိ ကိုယ်တိုင် လုပ်ငန်းရှင်ဖြစ်သဖြင့် သွက်လက်၊ ချက်ခြာစွာ လုပ်ချင်ကိုင်ချင်စိတ်ရှိသူများ၊ တာဝန်မငြင်းပယ်သူ များကို ပို၍ချစ်မြတ်နိုးကာပို၍ တာဝန်ပေးလိုကြပါသည်။ တာဝန်ပိုပေးခံရခြင်းသည် တဆင့်တိုးတာဝန်အပ်နှင်း ခြင်းခံရမည့်သင်္ကေတ၊ လက္ခဏာဖြစ်သည်ဟု မှတ်ယူထားကြစေလိုပါသည်၊

ခရီးပေါက်လိုလျှင်များများ လျှောက်လှမ်းရပါသည်။ နည်းနည်းခရီးလျှောက်ပြီး များများခရီးပေါက်သော ခေတ်ကျန်ခဲ့ပြီဟု မှတ်သားထားကြရန်ဖြစ်ပါသည်။ အများနည်းတူအလုပ်လုပ်ပြီး၊ ရလဒ်များများ လိုချင်သည့် စိတ်ဓာတ်ကို ဖယ်ရှားကြရမည် ဖြစ်ပါသည်။ အစဦးပိုင်းတွင်မိမိတို့၏ ကျွမ်းကျင်ရာပညာရပ်ဖြင့် အသုံးချ လုပ်ကိုင်နေကြသော်လည်း စီမံခန့်ခွဲမှုသည်အနည်းနှင့်အများ နေရာတိုင်းတွင် ပါဝင်နေသည်ကို စွဲမြဲထားတတ် ရန်လိုပါသည်။ တာဝန်တစ်ခုကို မည်သည့်အချိန်တွင် ပြီးစီးအောင် ဆောင်ရွက်ထားရန်လိုမည်။ မည်မျှစေ့စပ် သေချာအောင် ဆောင်ရွက်ထားရန်လိုမည်ဟူသော အစီအစဉ်သည်မိမိကိုယ်ကိုစီမံခန့်ခွဲခြင်း ဖြစ်ပါသည်။အခြား သူများကိုလည်း ဤသို့စီမံခန့်ခွဲပေးနိုင်ပါလျှင် စီမံခန့်ခွဲမှုအတတ်ကိုစတင်အသုံးပြုလာနိုင်မည်ဖြစ်ပါသည်။

ကျယ်ပြန့်စွာမစဉ်းစားဘဲလုပ်ချင်သလိုလုပ်၍၊ ပြီးချင်သည့်အချိန်မှ ပြီးစေသူအတွက် အနာဂတ်သည် များစွာတောက်ပနေမည် မဟုတ်ပါ။ အထက်ရောက်ကြသူများသည် စီမံခန့်ခွဲမှုကိုကျွမ်းကျင်ကြသူများ၊ စီမံခန့်ခွဲ ကြသူများ ဟူသည်ကိုသိထားရန်လိုပါသည်။ Manager ဟူသည်မှာ စီမံခန့်ခွဲမှု (Management) ကို လုပ်ကိုင် ဆောင်ရွက်နေသူသာ ဖြစ်ပါသည်။

ကျွမ်းကျင်မှု (၃) မျိုး

ယေဘုယျခွဲခြမ်းစိတ်ဖြာလျှင် (1) Technical Skill (2) Human Skill (3) Conceptual Skill ဟူ၍ ကျွမ်းကျင်မှု (၃)မျိုး ရှိပါသည်။  နည်းပညာကျွမ်းကျင်မှုဖြင့် လုပ်ကိုင်ကြသူများသည် အနိမ့်ဆုံးအဆင့်တွင် လုပ်ကိုင်ကြသူများဖြစ်၍ Human Skill ဟူသော လူမှုပညာ ကျွမ်းကျင်သူများက တဆင့်တိုးတက်မြင့်မားကြ သူများဖြစ်ပါသည်။ နည်းပညာအခြေခံလုပ်ကိုင်ကြသူများ တဆင့်တက်လှမ်းလိုလျှင် Human Skill ကို မသိကျိုး ကျွံပြု၍ ရမည်မဟုတ်ပါ။ အငယ်တန်းမန်နေဂျာများ၊ အထွေထွေမန်နေဂျာများမှာ လူမှုပညာကျွမ်းကျင်ကြသူများ ဖြစ်ပြီး၊ စီမံခန့်ခွဲရေးကို ဆောင်ရွက်နိုင်ကြသူများ ဖြစ်ပါသည်။

အဖွဲ့အစည်းတစ်ခုကို ဦးဆောင်သူများ၊ ကိုယ်ပိုင်လုပ်ငန်းကို ဦးဆောင်ကြသူများအနေဖြင့် Conceptual Skill  ဟူသော အယူအဆ၊ သဘောတရားရေးရာ ကျွမ်းကျင်သူများ ဖြစ်ရပါလိမ့်မည်။ မူဝါဒချမှတ်သူများ၊ လုပ်ငန်းစဉ်ချမှတ်ရေးဆွဲသူများ၊ ထို့ထက်မြင့်လျှင် မဟာဗျူဟာရေးဆွဲကြသူများဖြစ်၍ သဘောတရားရေးရာနှင့် အတွေးအခေါ် မြင့်မားသူများ ဖြစ်ကြရပါလိမ့်မည်။ ကျွမ်းကျင်မှု (၃)မျိုးရှိသည့်အနက် မည်သည့်နေရာ၌ ရှိသည် ဖြစ်စေ ကျန်သောကျွမ်းကျင်မှုကို လုံးဝမသိ၍ရမည် မဟုတ်ပါ။ ဆောင်ရွက်ဆဲလုပ်ငန်းနှင့် ပတ်သက်သော ကျွမ်းကျင်မှုကို အများဆုံးသိမြင် အသုံးပြုရပြီး၊ ကျန်နှစ်မျိုးကိုအတော်အတန်သိရပါလိမ့်မည်၊ သို့မဟုတ်ပါက တဆင့်တက်တာဝန်ကို ထမ်းဆောင်ရမည် မဟုတ်ပါ။

အလုပ်ကိုတန်ဖိုးမဖြတ်ပါနှင့်

အချို့က ဘယ်ရွေ့ဘယ်လောက်ရမှ လုပ်နိုင်မည်ဟူသော “စံနှုန်း” များ ရှိကြပါသည်။ တစ်စုံတစ်ရာ အတိုင်းအတာအထိရောက်နှင့်ကြပြီးသူများအတွက် ထိုစံနှုန်းများရှိသင့်သော်လည်း၊ အတွေ့အကြုံ စတင်ရှာကြံ သူအတွက် ဤစံနှုန်းကိုခဏဘေးဖယ်ထားရပါလိမ့်မည်။ စားဝတ်နေရေးကို စဉ်းစားရမည်မှာမှန်ကန်သော်လည်း အနာဂတ်ကာလများများရှာနိုင်ရန်အတွက် ငယ်စဉ်မှာအတွေ့အကြုံ၊ ဗဟုသုတများကိုများများ စုဆောင်းထား ကြပါလိမ့်မည်။

အချို့က “သည်လောက်လစာရတာပဲ၊ သည်လောက်လုပ်ပေးရင် တော်ရောပေါ့” ဟူသောစိတ်မျိုး ရှိကြ သည်ကိုလည်း အများအပြား တွေ့ရဖူးပါသည်။ အလုပ်ပင်ပန်း၍ သေသွားသော “မသာ” ဟူ၍မတွေ့ဖူးပါ။ အလုပ်များများလုပ်၍ အတွေ့အကြုံများများ ရှိသွားသူဟူ၍သာ တွေ့ရလေ့ရှိပါသည်။ များများလုပ်ပေးခြင်းဖြင့် ပို၍ပင်ပန်းသော်လည်း ကိုယ့်အတွက်အမြတ်မှာ “အတွေ့အကြုံ” နှင့် “အထက်လူကြီး” ၏ “ယုံကြည်အားကိုးမှု” ရရှိခြင်းဟူသည်ကိုခံယူခဲ့လျှင် အလုပ်များများလုပ်သူဖြစ်လာပါလိမ့်မည်။

ပညာသည် “အတွေ့အကြုံနှင့်အလုပ်” မှ ဖြစ်ပေါ်သောအရာသာဖြစ်ပါသည်။ ထိုင်နေ၍ ပညာမိုးပေါ်က ကျလာမည် မဟုတ်ပါ။ လုပ်ငန်းခွင်ထဲမှ “အမှား၊ အမှန်” ကို ရှာဖွေရပါသည်။ လူတွေ၏ မတူသော စရိုက် လက္ခဏာ၊ စိတ်နေစိတ်ထားများကို လေ့လာနိုင်ပါသည်။ မိမိတို့ဦးဆောင်ခွင့်ရသောအခါ လူမှန်နေရာမှန်ကို ချထားနိုင်ကြပါလိမ့်မည်။ လူမှန်နေရာမှန်ချထားနိုင်ခြင်းကပင် လုပ်ငန်းအောင်မြင်မှု၏ အဓိကအချက်တစ်ချက် ဖြစ်ပါသည်။

မိမိအထက်လူကြီး၏ ယုံကြည်စိတ်ချခံရမှုသည် မည်သည့်အရာနှင့်မျှ တန်ဖိုးဖြတ်၍မရသောအရာဖြစ်ပါ သည်။ သစ္စာရှိမှု၊ အလုပ်အပေါ် လေးစားမှု၊ တာဝန်ယူမှု၊ တာဝန်ခံမှုများကိုလေ့ကျင့်ယူရမည်ဖြစ်ပါသည်။ အမြဲတမ်း တာဝန်ပေးမှ လုပ်တတ်သည့်သဘောကလည်း တိုးတက်မှုကိုပိတ်ပင်တားဆီးသည့်အရာဖြစ်ပါ၏။ မိမိအနေဖြင့် အကောင်းဆုံးဖြစ်မည့်အရာကို မိမိ၏ဆင်ခြင်၊ မြော်မြင်မှုဖြင့် စတင်ဆောင်ရွက်တတ်သည့် အမူအကျင့်သည် အထက်လူကြီးများ များစွာသဘောကျသည့် အရည်အချင်းဖြစ်သည်ကို သိထားရန်လိုပါလိမ့် မည်။ တီထွင်ဆန်းသစ်သောအတွေး၊ တီထွင်ဆန်းသစ်သော လုပ်နည်းကိုင်နည်းများသည်လည်း အထက် လူကြီးများ သဘောကျအားကိုးရသည့် အရည်အချင်းဖြစ်ပြီး၊ အကြီးကျယ်ဆုံးသော အရည်အချင်းမှာ “ရလဒ် ကောင်း” ထွက်ရန်ဦးဆောင်လုပ်ကိုင်နိုင်သည့် အရည်အချင်းဖြစ်ပါသည်၊ ဤအတွက်များများ လုပ်ကိုင်ကြရပါ လိမ့်မည်၊ ပို၍စဉ်းစားကြရပါလိမ့်မည်၊ ပို၍ကြိုးစားရပါလိမ့်မည်၊ ပို၍ပညာကြီးကြရပါလိမ့်မည်။

နေဇင်လတ်

                                                                                      ၇-၅-၂၀၁၂ (၈၂၀)